E ardhmja e Leroy Sane mbetet e paqartë, ndërsa Bayern Munich dhe përfaqësuesit e tij vazhdojnë bisedimet për një rinovim të mundshëm të kontratës.

Sipas ‘Sky Sport Deutschland’, anësori gjerman është i hapur për një ulje rroge për të qëndruar në klub, por ende nuk ka marrë një ofertë zyrtare me shkrim.

Drejtori sportiv i Bayernit, Max Eberl, po punon për të gjetur një zgjidhje, ndërsa vendimi përfundimtar pritet të merret brenda tre javëve të ardhshme.

Në këtë situatë të paqartë, Arsenali ka shfaqur interesim serioz për Sane dhe tashmë ka kontaktuar përfaqësuesit e tij për të kuptuar nëse ai do të ishte i gatshëm të transferohej në Londër si lojtar i lirë.

Me kontratën aktuale që po shkon drejt skadimit, mbetet për t’u parë nëse Sane do të vazhdojë me Bayernin apo do të zgjedhë një sfidë të re në Premier League./rtk